<iframe src="//www.facebook.com/plugins/like.php?href=http%3A%2F%2Fartiste-hawi.blogspot.com%2F&width&layout=standard&action=like&show_faces=true&share=true&height=80" scrolling="no" frameborder="0" style="border:none; overflow:hidden; height:80px;" allowTransparency="true"></iframe>
الجمعة، 6 يونيو 2014
سيب الثقافة
رسالة مفتوحة الى وزارة اللاثقافة :انا مواطن تونسي عندي مشاريع ثقافية بديلة ننفع بيها جيلي و الجيل الي مبعدي و الاجيال الي مبعدها كان لزم، المشكل انو في وزارتكم من الشاوش للوزير ماكمش مستعدين تسمعوني ما وصلناش لمرحلة انكم تعاونوني ...سيدي خويا الوزارة باركين عليها 4 فنانين من عهد بورڨيبة يمصو في الفليسات و يعملو في عروض تسخف من ناحية المحتوى ومن التقنية، الوجوه هي بيدها تتبادل في البلايص في الوزارة ومن عام فلوكة نوح ما تبدل حد في الوزارة
ميزانية وزارة الثقافة تقول ورثة ولا رزق السادة الولادة متع اسماء ما نحبش نجبدهم لا يجبدو مني الدم وترصيلي في بحث وثلب و الشي و الكذى ...
انا مواطن من بين المواطنين الي يوصل للوزارة وكل يوم يرجعوه على ورقة انا مواطن جيت نحب على ترخيص باش نعمل خيمات قراء باش ندفع انا فيهم دم ڨلبي فلوس وقلتولي لا، انا مواطن ما جيتش طلبت دعم اما جيت قلت نعطيكم افكار تحسن الثقافة ...انا مواطن منيش من المناطق الداخلية اما جيت نطالبكم باش نقلكم الي الناس هذيكا زادة عندها الحق تسمع اسامي كبيرة تمشي لمهرجناتها ...انا مواطن نقص تسكرة بسخطة لاف ومبعد تلغيوه قال شنوا ما فيبالكمش ...انا مواطن منيش طالب فلوس انا مواطن طالب ثقافة للناس لكل ...انا مواطن عندي الحق نقرى كتب تصلح مش نمشي لمعرض نلقاكم مرخصين كتب مسمومة ومانعين كتب تربي الاجيال باش تحب بلادها و تتعلم اتدافع على قضاياها ...انا مواطن فديت ومليت من الناس الي تمص في فلوس الدولة باش ينشرو ثقافة استهلاكية ...فديت و باش نطرشق من ارجع غدوة و البيروقراطية ...فديت من العقلية المحبوسة في ايام ما ترجعش و اكثركم ناس ما تشجعش ...انا مواطن نتوجع كيف نشوف جمعيات لبرة مالبلاد تمول في ثقافتنا و وزارة بلادنا عافسة فينا و دازة فينا ركبة ...انا مواطن حزين كيف نشوف صحابي تخدم و تحلم اما يجي انسان بفلوسو يكسرلهم احلامهم انسان مدعم من عندكم مش باش يعاونهم اما باش يعفس عليهم ...فديت من موسيقى مبتذلة تتعاود كل عام، من مسارح مسكرة من شارع ساكت من عباد نشرتو فيهم الخوف من الثقافة ...كرهت وزارة عمقت الفجوة بين الجهات، لا الڨصريني يعرف فن الساحل ولا الساحلي يعرف فن الجنوب ..نعرف الي ريقي باش يشيح اما ميسالش ...وقيت باش تسيبو الفن للشوارع و تسكروها الوزارة خير !إكتب بالأحمر
إكتب بالأحمر
- إكتب بالأحمر على مرأة مڨدية
لهجتها جندوبية، خرجت من دشرتها تلوج على خبزتها،
دمعتها في عينيها حد ما حن عليها
وقد ما طاحت، إتذلت، تمرمدت، تعذبت، لا نهار شكات لمَاليِهَا .
- إكتب بالأحمر على طفل صغير
يمشي يقرى حفيان، بكراسة و استيلوا يقاوم صقيع الشتاء،
مهما يرى الذل ألوان، ديمة قلبوا بالحب مليان.
-إكتب بالاحمر عليها وعليه،
إكتب على دنيا ظلمتهم،فرقتهم،من حبهم حرمتهم.
قلولهم حبكم خرافة،كذبة،فيقوا من ها الخُنَار ، في الجنة إتكونوا احرار،
زعمة كي بعدو ماذقوش النار ؟
ميل على اليسار إكتب أشعار
أحرق بالنار لحية كل غدار ،
ضد حلمة، ضد إستقرار .
بمطرقة ومنجل أقف قدام الريح وصيح.
أغزر للوجوه و اكتب بالاحمر
-إكتب على مراة كبيرة، تخدم في الحضيرة
في وجها أقرا تاريخ المدينة تركينا .. تركينا
أقرا إلي فاتك من حياتك والي مازلت ماعشتوش
و أعرف السر اللهي في وشام على جبينها منقوش
-إكتب بالاحمر و أحكيلي على الشاعر إلي تحبس
كيف قال الحق ترفس
الكلام في صدره تكبس
يرصف حروفه بين كفوفه كل ليلة
يلقى ابدعه إنعس .
-إكتب على بلادك، إكتب على عرّقْ أجدادك إلي السمسارة شربوه،
على لحية مِكريةْ وقَميص مسرُوق، على غنَاية منْسية ولحن مبّحوح.
إكتب عليّ يعفس عليك ويقولك سامحني إنت شكون ؟؟
إكتب بالأحمر، إكتب بلون الدم إلي سال على أرضك البور
- إكتب بالأحمر على مرأة مڨدية
لهجتها جندوبية، خرجت من دشرتها تلوج على خبزتها،
دمعتها في عينيها حد ما حن عليها
وقد ما طاحت، إتذلت، تمرمدت، تعذبت، لا نهار شكات لمَاليِهَا .
- إكتب بالأحمر على طفل صغير
يمشي يقرى حفيان، بكراسة و استيلوا يقاوم صقيع الشتاء،
مهما يرى الذل ألوان، ديمة قلبوا بالحب مليان.
-إكتب بالاحمر عليها وعليه،
إكتب على دنيا ظلمتهم،فرقتهم،من حبهم حرمتهم.
قلولهم حبكم خرافة،كذبة،فيقوا من ها الخُنَار ، في الجنة إتكونوا احرار،
زعمة كي بعدو ماذقوش النار ؟
ميل على اليسار إكتب أشعار
أحرق بالنار لحية كل غدار ،
ضد حلمة، ضد إستقرار .
بمطرقة ومنجل أقف قدام الريح وصيح.
أغزر للوجوه و اكتب بالاحمر
-إكتب على مراة كبيرة، تخدم في الحضيرة
في وجها أقرا تاريخ المدينة تركينا .. تركينا
أقرا إلي فاتك من حياتك والي مازلت ماعشتوش
و أعرف السر اللهي في وشام على جبينها منقوش
-إكتب بالاحمر و أحكيلي على الشاعر إلي تحبس
كيف قال الحق ترفس
الكلام في صدره تكبس
يرصف حروفه بين كفوفه كل ليلة
يلقى ابدعه إنعس .
-إكتب على بلادك، إكتب على عرّقْ أجدادك إلي السمسارة شربوه،
على لحية مِكريةْ وقَميص مسرُوق، على غنَاية منْسية ولحن مبّحوح.
إكتب عليّ يعفس عليك ويقولك سامحني إنت شكون ؟؟
إكتب بالأحمر، إكتب بلون الدم إلي سال على أرضك البور
سيب سامي
سامي فرحات تلميذ بكلورية وقفوه في ديسمبر 2013 بتحمة حرق مقر النهضة و هوم مسجون تو لمدة 6 اشهر و الجلسة مزالت ما تعينتش
سامي تلميذ بكالوريا محروم من حقو في القراية و حقو في الحرية فقط لمشاركتو في اضراب جهوي عام في ولاية ڨفصة الي كان ناجح 100%
سامي متوجهتلو تهم اخرى منها السرقة الموصوفة وتخريب ملك خاص وهو ولد 19 عام و التهم هذي استنادا لصور فوطوغرافية ما فيهاش حتى دليل على الفعل بل مجرد صور وهو في وسط الحشود متع المحتجين نهار 27 نوفمبر 2013
سامي خسروه في عامو مت القرايا و حطمولو مستقبليو بالحبس و التهم الكيدية
سامي واحد من برشا معتقلين في السجون التونسية بتهم كيدية و خالية من الصحة ويدفع في ثمن حاجة ما عملهاش
6 شهور في الحبس بدون اي وجه حق ...
كيما سامي تشد كيما انت تنجم تتشد
ليوم التوانسة لكل مشاريع سجناء
الاشتراك في:
الرسائل (Atom)